ZIARA YA CHAMA CHA KIKOMUNISTI CHA CHINA (CPC) NCHINI TANZANIA.



MWENYEKITI WA KITONGOJI CHA MPALANGE ANUSURIKA KIFO BAADA YA KUPIGWA RISASI MBILI

Kamanda wa polisi mkoani Pwani,Onesmo Lyanga akizungumza jambo na wananchi wa kitongoji cha Mpalange,kijiji cha Ikwiriri Kaskazini,kuhusiana na masuala ya ulinzi na usalama kwa raia.
Mkuu wa mkoa wa Pwani,mhandisi Evarist Ndikilo,akizungumza na wananchi nje ya kituo cha afya cha Mchukwi baada ya kwenda kumtembelea mwenyekiti wa kitongoji cha Mpalange,Bakari Mpawane aliyejeruhiwa kwa kupigwa risas.

Mkuu wa mkoa wa Pwani,Mhandisi Evarist Ndikilo,ambae pia ni mwenyekiti wa kamati ya ulinzi na usalama mkoani hapo,akimfariji mwenyekiti wa kitongoji cha Mpalange huko,Bakari Mpawane ambae amepigwa risasi na watu wasiojulikana

Mkuu wa mkoa wa Pwani,Mhandisi Evarist Ndikilo,ambae pia ni mwenyekiti wa kamati ya ulinzi na usalama mkoani hapo,akiingia katika kituo cha afya cha Mchukwi,wilaya ya Rufiji kwenda kumtembelea na kumpa pole, mwenyekiti wa kitongoji cha Mpalange ,Bakari Mpawane ambae amepigwa risasi na watu wasiojulikana.(Picha na Mwamvua Mwinyi)

Na Mwamvua Mwinyi,Rufiji

Mwenyeki kitongoji cha Mpalange ,kijiji Ikwiriri Kaskazini,wilayani Rufiji mkoani Pwani ,Bakari Mohammed Mpawane ,amenusurika kifo baada ya kupigwa risasi na watu wasiojulikana.

Tukio hilo ni tatu kutokea ndani ya mwezi mmoja uliopita likihusisha kupigwa risasi na kuuawa wenyeviti wa vitongoji na vijiji katika hali ya sintofahamu.

Kufuatia matukio hayo kukua kwa kasi,mwenyekiti wa kamati ya ulinzi na usalama mkoani Pwani,mhandisi Evarist Ndikilo,ametangaza mapambano na mtandao wa wahalifu wanaofanya matukio mbalimbali ya mauaji wa kutumia silaha na kuweka hofu kwa jamii.

Mbali na hilo ,aliweka bayana kuwa,inspector jeneral wa polisi (IGP)Enerst Mangu ametangaza dau la mil.tano ,kwa mtu yeyote atakayemtaja ama kutoa taarifa ya kundi la wahalifu wanaohusika kufanya matukio hayo .

Akizungumza mara baada ya kwenda kumtembelea mwenyekiti huyo katika kituo cha afya Mchukwi anapopatiwa matibabu,mhandisi Ndikilo,alieleza kuwa tukio hilo limetokea march 19 majira ya saa mbili usiku wakati akiwa kwenye duka lake .

Alisema walifika watu wawili dukani hapo wakiwa kwenye pikipiki ambapo mmoja alimwita jina mwenyekiti na kabla ya kutaharuki alijikuta akipigwa risasi mbili ya mkononi na tumboni na mtu mwingine aliyepakiwa nyuma ya pikipiki hiyo.

Mhandisi Ndikilo,alibainisha kwamba,bahati nzuri risasi hizo zilipalaza hivyo hazikumuathiri na kuokoka maisha yake.

“Ni tukio la tatu kwa mwezi mmoja likiwemo lililotokea machi 13 mwaka huu mwenyekiti wa kitongoji cha Kazamoyo wilayani hapa, Hemed Njiwa (45) ameuawa kwa kupigwa risasi akiwa nyumbani na lile tukio lililohusisha kifo cha OC CID”alisema .

Hata hivyo mhandisi Ndikilo,alieleza wanaendelea kuwasaka watu hao usiku na mchana hadi kuhakikisha wanawakamata watu hao.

“Tutawasaka na hatafanikiwa kwa mipango yao waliojiwekea tumejidhatiti na tutahakikisha tunategua mipango yao na kurejesha amani kwa wananchi”alisema mhandisi Ndikilo.

Mhandisi Ndikilo ,alishukuru wahudumu wa afya katika kituo cha afya cha Mchukwi kwa kuokoa maisha ya mwenyekiti bkari pamoja na kutoa huduma nzuri kwa majeruhi na wagonjwa wengine wanaofikishwa hapo kupata matibabu.

Kwa upande wake,kamanda wa polisi mkoani Pwani,Onesmo Lyanga,alitaja mtandao wa watu zaidi ya 100 wanaoshukiwa kuhusiaka na matukio ya kiuhalifu kuanzia eneo la Mkuranga-Utete-Kibiti-Rufiji hadi Bungu .

Alisema majina wanayo na wanayafanyia kazi hivyo wanaomba ushirikiano wa wananchi kutoa taarifa polisi mara wanapopata wasiwasi wa watu wanaoingia kwenye maeneo yao.

Kamanda Lyanga,alisema ameletwa mkoa wa Pwani kutoka Simiyu,kikubwa anahitaji ushirikiano na jamii ili hali kupunguza matukio yanayotikisa ikiwemo la kuuwa wa wenyeviti wa vitongoji,watendaji na wenyeviti wa vijiji.

Nae majeruhi mwenyekiti wa kitongoji cha Mpalange,Bakari alisema anashukuru mungu ni mkubwa anaendelea vizuri.

Alisema wanaishi katika hali ya hofu na anajifikiria endapo akirudi kwake baada ya matibabu ataishije wakati akiwa katoka kwenye tukio kubwa na la uuaji kama hilo.

“Naomba serikali na jeshi la polisi liweke mikakati kabambe ili kuvunja ngome za kiuhalifu na mtandao unaomaliza hasa viongozi bila kujua chanzo ni masuala ya kisiasa ama nini”alisema

YANGA KUMJUA MPINZANI WAKE KESHO KOMBE LA SHIRIKISHO CAF




Kesho ni siku ya Jumanne Shirikisho la Mpira barani Afrika CAF linatarajia kutoa ratiba ya kuwania kuingia hatua ya makundi ya kombe la Shirikisho ambapo timu ya Yanga inatajua inakutana na timu ipi hii ni baada ya kuondoshwa Ligi ya Mabingwa 
Droo hiyo itakayoanza kupangwa mchana katika mji wa Cairo nchini Misri na itahusisha timu zilizovuka hatua ya 32 Bora ya Kombe la Shirikisho dhidi ya zilizotolewa kwenye hatua hiyo ya Ligi ya Mabingwa Afrika.
Timu zilizotolewa Ligi ya Mabingwa zitamenyana na zilizosonga mbele Kombe la Shirikisho katika mechi za nyumbani na ugenini kuwania nafasi ya kucheza hatua ya makundi ya michuano hiyo ya pili kwa ukubwa kwa ngazi ya klabu barani.

Mechi za kwanza zinatarajiwa kucheza wikiendi ya Aprili 7 hadi 9 na marudiano yanatarajiwa kuwa wikiendi ya Aprili 14 hadi 16, mwaka huu.
Timu zilizovuka hatua ya 32 Bora Kombe la Shirikisho ni MC Alger, JS Kabylie za Algeria, Recreativo do Libolo ya Angola, ASEC Mimosas ya Ivory Coast, El Masry, Smouha ya Misri, MAS Fes, Ittihad Tangier za Morocco, Rayon Sports ya Rwanda, Hilal El Obeid ya Sudan, Mbabane Swallows ya Swaziland, Platinum Stars, Supersport United za Afrika Kusini, Club Africain, CS Sfaxien za Tunisia na Zesco United ya Zambia.
Zilizotolewa Ligi ya Mabingwa ni RC Kadiogo ya Burkina Faso, AC Leopards ya Kongo, AS Tanda ya Ivory Coast, TP Mazembe ya DRC, Gambia Ports Authority ya Gambia, Horoya ya Guinea, CNaPS ya Madagascar, AS Port Louis ya Mauritius, FUS Rabat, Wydad Athletic Club ya Morocco, Ferroviario Beira ya Msumbiji, Rivers United, Rangers ya Nigeria, Bidvest ya Afrika Kusini, Yanga SC ya Tanzania ya KCCA ya Uganda.

Hivyo kuna wasiwasi kipindi hiki Yanga watakutana na timu ya kiarabu ambazo zinaonekana ni nyingi ambazo zimeingia hatua ya mtoano na ni jukumu la benchi la ufundi pamoja na wachezaji kujua nini cha kufanya kwani mwaka jana walitolewa na Al-Ahly na kuangukia kwenye hatua hiyo ambapo walifanikiwa kuingia hatua ya makundi japo hawakufanya vizuri

SAMATTA AIFUATA MAN UNITED ROBO FAINALI EUROPA LEAGUE

Mbwana Samatta ameweka rekodi nyingine kwa kuwa Mtanzania wa kwanza kucheza michuano ya Europa League hatua ya robo fainali.

Samatta ameweka rekodi hiyo baada ya timu yake ya KRC Genk kufuzu baada ya sare ya bao 1-1 katika mechi ya pili ya hatua ya 16 Bora, leo.

Katika mechi ya kwanza, ikiwa ugenini, Genk iliibabua Gent kwa mabao 5-2 ikiwa kwake. Samatta alitupia mawili.

Sare ya 1-1, maana yake Genk inakwenda robo fainali kwa jumla ya mabao 6-3.

Kabla, Samatta alikuwa ameandika rekodi ya kuwa Mtanzania wa kwanza kucheza michuano ya Europa hatua ya 16 bora.

Samatta alijiunga na Genk akitokea TP Mazembe ya DR Congo aliyoiwezesha kubeba makombe lukuki likiwemo la ubingwa wa Ligi ya Mabingwa Afrika.

Washindwa kujiunga sekondari


WANAFUNZI 303 kati ya 9,879 waliochaguliwa kujiunga na elimu ya sekondari mwaka huu mkoani Lindi, bado hawajaripoti kwenye shule walizopangiwa kwa ajili ya kuanza masomo ya kidato cha kwanza.


Takwimu hizo zilitolewa juzi na Kaimu Ofisa Elimu wa Mkoa wa Londi, Friday Sondasy, alipokuwa anazungumza na Nipashe, ofisini kwake mjini hapa.

Sondasy alisema hadi Machi 10, mwaka huu, wanafunzi 303, wakiwamo wasichana 148 na wavulana 155, walikuwa hawajaripoti huku wilaya ya Kilwa ikiongoza kwa kuwa na idadi kubwa.

Alisema wilaya hiyo inaongoza kwa kuwa na wanafunzi 122 wakiwamo wasichana 61 na wavulana 61, ikifuatiwa na Ruangwa yenye na wanafunzi 50 kati yao wavulana 23 na wasichana 27.

Sondasy alisema Nachingwea na Liwale kila moja ina wanafunzi 46 huku zikipishana katika idadi ya wasichana na wavulana, Lindi wako 30 wakiwamo wavulana 19 na wasichana 11 huku Manispaa ya Lindi ikifunga dimba kwa kuwa wanafunzi tisa wakiwamo wasichana wanne.

Hivi ndiyo vitu 3 vilivyomvutia Wolper kwa Harmonize


Jacqueline Wolper amevitaja vitu vitatu ambavyo vimemvutia kuwa kwenye mahusiano na Harmonize.



Muigizaji huyo amekiambia kipindi cha XXL cha Clouds FM, vitu hivyo ni upole wake, ukarimu pamoja na kuijua dini.

“Upole, Ukarimu na anapenda dini na anaijua dini kabisa. Mimi naamini asingekuwa mwanamuziki angekuwa maalimu fulani hivi,” amesema Wolper.

Wakati huo huo Harmonize kwa sasa ameachia wimbo mpya ‘Niambie’ ambao amemuimbia mpenzi wake Wolper.
Older Posts
© Copyright Yuvinusm blog Published.. Yuvinusm
Back To Top