5/29/16

Hii ni Kuhusu Walimu 20 Kuikimbia shule kutokana na vitisho wanavyopata kutoka kwa wanakijiji.





Siku chache baada ya Mkuu wa mkoa wa Simiyu Anthony Mtaka kupiga marufuku mahakama za kimila maarufu kama dagashida ambazo zimekuwa zikihukumu watumishi wa serikali wakiwemo waalimu wa shule za msingi kuchapwa viboko, waalimu 20 wa shule ya msingi Nkindwabiye iliyoko wilayani Bariadi wameikimbia shule hiyo kwa kuhofia maisha yao kufuatia kukithiri kwa vitisho wanavyofanyia kijijini hapo na wananchi.
ITV imefika katika ofisi za halmashauri ya wilaya hiyo na kuwakuta waalimu hao ambao walikuwa na mizigo na watoto wao ambapo wamesema wamechoka kuvumilia vitendo wanavyofanyiwa na wananchi wa kijiji hicho ikiwa ni pamoja na kuwachomea pamba yao na kuwafyekea mazao yao ambayo yako shambani huku wakiwaambia kuwa iwapo hawatahama mwaka huu hawataumaliza.

Akizungumza kwa niaba ya katibu wa chama cha waalimu wilaya ya Bariadi, Mwalimu Joyce Maisa amesema wao kama chama cha waalimu hawako tayari kuona walimu wanapata madhara ambapo ameuomba uongozi wa wilaya kuifunga shule hiyo hadi hapo jamii ya kijiji hicho itakapoona umuhimu wa shule yao kuwa na walimu.

Kwa upande wake mkuu wa wilaya hiyo Ponsiano Nyami amekiri kupokea malalamiko ya waalimu hao ambapo kesho ameahidi kufika kijijini hapo kwa ajili ya kuongea na wananchi wa kijiji hicho ili kujua hatima ya suala hilo.

Uchunguzi uliofanywa na ITV mkoani hapa umebaini kuwa baadhi ya wanasiasa wakiwemo madiwani wamekuwa mstari wa mbele katika kuhakikisha mahakama hizo za kimila zinafanya kazi ambapo zimekuwa hazifuati sheria za nchi na badala yake zimekuwa zikitoa maamuzi yasiyo sahihi hali ambayo iwapo haitaisha upo uwezekano wa watumishi wengi hususani waalimu, kuukimbia mkoa wa Simiyu.
 
chanzo: ITV
Weka Maoni Yako Hapa
Share:

Advertisment

Habari Mpya

Follow us on Facebook

Popular Posts

Blog Archive

Copyright © Yuvinusm | Powered by Blogger Design by Yuvinusm