10/5/16

Mgambo mbaroni kwa udaku




Mgambo katika Hospitali ya Mkoa wa Singida, amekamatwa na polisi kwa tuhuma za kutoa taarifa za uongo kuwa Rahel Erasto (28), aliyefariki dunia wiki iliyopita amefufuka na kuzua mtafaruku kwa ndugu na jamaa zake.


Kaimu Kamanda wa Polisi Mkoa wa Singida, Mayala Towo alisema tukio la Rahel, aliyekuwa mkazi wa Minga Manispaa ya Singida kudaiwa kufufuka lilitokea Ijumaa iliyopita alasiri katika hospitali hiyo.

Alisema Septemba 29, Rahel alifikishwa katika hospitali hiyo kujifungua.

“Kutokana na sababu za kitabibu, alifanyiwa upasuaji na kutolewa mtoto wa kiume akiwa hai. Lakini kwa bahati mbaya alifariki dunia (Rahel) usiku wa Septemba 30,” alisema.

Kaimu Mganga Mkuu Mkoa wa Singida, Dk Ramadhan Kabala alithibitisha kuwapo kwa taarifa hizo na kudai kuwa mwili wa marehemu unaendelea kufanyiwa uchunguzi.
Weka Maoni Yako Hapa
Share:
Post a Comment

Advertisment

Habari Mpya

Follow us on Facebook

Popular Posts

Blog Archive

Copyright © Yuvinusm | Powered by Blogger Design by Yuvinusm